27.05.2026 | 16:03
Կալուգացի օլիգարխը, Քոչարյանը, էն բելառուսցի մեկը պետք ա բանտ նստեն, ինձ տվեք էդ մանդատը. Փաշինյան․ ՏԵՍԱՆՅՈՒԹ
Նիկոլ Փաշինյանը շեղվեց դեպի ՌԴ, բայց Պուտինը խաբելու է․ տխուր է վարչապետի՝ BRICS-ին գնալը. ՏԵՍԱՆՅՈՒԹ
Քաղաքականություն
06.09.2024 | 21:30
«Ժողովրդավարական ուժերի հարթակը» պատրաստվում է սկսել ստորագրահավաք՝ ԵՄ-ին անդամակցելու հարցով հանրաքվե նշանակելու նպատակով, և այդ գործընթացի հայտը արդեն ԿԸՀ է ներկայացվել։ «Հանրապետություն» կուսակցության նախագահ Արամ Սարգսյանին հարց ուղղեցինք՝ ժամանակավրեպ չէ՞ նախաձեռնությունը․ ՀՀ իշխանությունը չի ակնարկում, որ հանրաքվեից հետո հայտ կներկայացնի։ Ավելին՝ Փաշինյանը կմասնակցի թե՛ ԱՊՀ-ի, թե՛ BRICS-ի առաջիկա գագաթնաժողովներին, ուր արևմտյան կոալիցիաի անդամ երկիր չկա, հակառակը՝ ՌԴ-ն, Չինաստանն են։ Դեպի ԵՏՄ առևտուրն էլ ծաղկում է և ծաղկում։ Արամ Սարգսյանը պնդեց, որ Հայաստանն ունի անվտանգային լուրջ խնդիրներ և հանրաքվեի անցկացման փաստը կարող է որոշակիորեն պատասխանել այդ մարտահրավերին.
«Գիտե՞ք, Նիկոլ Փաշինյանի վերջին մամուլի ասուլիսից հետո դեպի Ռուսաստան շեղվելը… այդ շեղումները ես տեսա Մեծ Բրիտանիա այցելության ժամանակ այդպիսի զգացողություն կար, երբ այդ հանդիպումը տեղի չունեցավ՝ բրիտանական միջնորդությամբ Ալիևի և Փաշինյանի միջև, ինչը շատ վատ է։ Դա ռեգիոնալ կոմունիկացիաների խնդրին էր վերաբերվում, ինչից ես տեղյակ էի, ինչևէ, ափսոս։ Բայց այդ ժամանակ ես զգացի որ որոշակի տեղաշարժեր կան դեպի Ռուսաստան։ Այդ տեղաշարժերը լինում են երկու պարագայում՝ առաջին՝ երբ լուրջ վախերը կան, և երկրորդ, երբ որ բոնուսներ են խոստանում։ Ես չգիտեմ, թե Ռուսաստանը ինչ բոնուսներ կարող է խոստանալ, բայց ես վստահ եմ՝ ՌԴ-ն ինչ բոնուսներ էլ խոստանա, խաբելու է։ Տխուր է վարչապետի՝ BRICS գագաթնաժողովին գնալու փաստը»։
Արամ Սարգսյանը խոսել է նաև Ադրբեջանի հետ բանակցային պրոցեսի, խաղաղության պայմանագիր կնքելու հավանականության, սահմանազատման հարցով ձեռք բերված վերջին պայմանավորվածության, ԵՄ-ին անդամակցելու հարցով հանրաքվեի անցկացման նպատակով ստորագրահավաքի գործընթացի և այլ թեմաների մասին։
Հարցազրույցն ամբողջությամբ՝ տեսանյութում։
Ռոբերտ Անանյան
