07.10.2026 | 23:48
Արթուր Դանիելյանը կալանավորվեց
Կրեմլն արդարացնում է գրաքննությունը պատերազմի ժամանակ
Քաղաքականություն
06.09.2024 | 14:39
Պատերազմական վիճակում, որում մենք գտնվում ենք, սահմանափակումներն արդարացված են, այնպես, ինչպես գրաքննությունն է արդարացված, ինչ մեղքս թաքցնեմ: Մենք պատերազմական վիճակում ենք։ ՏԱՍՍ-ին տված հարցազրույցում այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
BBC-ի ռուսական ծառայությունը գրում է, որ ՌԴ իշխանական լրատվամիջոցի հարցը չհիմնավորված մեղադրանք է պարունակել արևմտյան լրատվամիջոցների հասցեին։ Այն հնչել է այսպես. «Պե՞տք է սահմանափակել Ռուսաստանում այն արտասահմանյան լրատվամիջոցների աշխատանքը, որոնք ստում են, որոնք ազատ չեն, բայց կատարում են իրենց երկրների ղեկավարության քաղաքական պատվերը»։
«Ցանկացած լրատվամիջոց կատարում է իր երկրի ղեկավարության քաղաքական պատվերը»,- պատասխանել է Պեսկովը՝ հավելելով, որ ՏԱՍՍ-ը նույնպես «կատարում է ռուսական պետության քաղաքական պատվերը»։
Նրա խոսքով՝ եթե «պատերազմական վիճակում» գրաքննության սահմանափակումներ են անհրաժեշտ, ապա «երբ պատերազմն ավարտվի, իսկ ցանկացած պատերազմ ավարտվում է խաղաղությամբ, ապա պետք է լինի տեղեկատվության լիակատար ազատություն»։
