09.09.2026 | 13:29
Չի եղել որևէ միջազգային հանդիպում, որ չխոսենք Բաքվում պահվող գերիների վերադարձի մասին․ Կարապետյան․ ՏԵՍԱՆՅՈՒԹ
Թուրքական դատարանն ազգայնական խմբի 10 անդամի է կալանավորել՝ ամերիկացի զինվորականների վրա հարձակման համար
Քաղաքականություն
04.09.2024 | 22:07
Թուրքական դատարանն Իզմիրում ամերիկացի զինվորների վրա հարձակման գործով ձերբակալված 15 անձանցից 10-ին կալանավորել է, գրում են տեղական լրատվամիջոցները։
Կալանավորվածների շարքում են ազգայնական Թուրքիայի երիտասարդական միության (TGB) անդամներն ու ղեկավարությանը։ Այս խումբը ազգայնական ընդդիմադիր Հայրենասիրական կուսակցության երիտասարդական մասնաճյուղն է, որի նախագահ Քայահան Չեթինը, Երիտասարդական Ավանգարդի նախագահ Սամեթ Քունթն ու 13 անդամներ ձերբակալվել էին դեպքի վայրում՝ Իզմիրի Քիբրիս Շեհիթլերի պողոտայում։
Դատարանում ձերբակալվածների հայտարարություններից հետո դատախազը պահանջել է դատական հսկողություն սահմանել 5 անձի նկատմամբ, իսկ 10 անձի կալանավորման որոշում է կայացվել։
Հիշեցնենք, որ սեպտեմբերի 2-ին թուրք ազգայնական երիտասարդական խմբի ներկայացուցիչներն Իզմիրում հարձակվել էին երկու ամերիկացի զինվորականների վրա։
