09.09.2026 | 12:03
ՌԴ-ն հարվածել է Ուկրաինա-Մոլդովա սահմանի անցակետին․ երկու մարդ զոհվել է
Ինքնահռչակ Հյուսիսային Կիպրոսի նախագահը շնորհավորել է Ալիևին ընտրություններում հաղթանակի կապակցությամբ
Քաղաքականություն
03.09.2024 | 23:08
Ինքնահռչակ Հյուսիսային Կիպրոսի Թուրքական Հանրապետության նախագահ Էրսին Թաթարը զանգահարել է Ադրբեջանի նախագահ Իլհամ Ալիևին Մեջլիսի արտահերթ ընտրություններում «Նոր Ադրբեջան» կուսակցության հաղթանակի կապակցությամբ։
Ադրբեջանական լրատվամիջոցների փոխանցմամբ՝ նա ընդգծել է, որ ընտրություններն անցել են «ազատ, ժողովրդավարական պայմաններում և արտահայտել են ադրբեջանական ժողովրդի կամքը»։
Նշելով, որ Ադրբեջանի խորհրդարանում ստեղծվել է Հյուսիսային Կիպրոսի Թուրքական Հանրապետության հետ բարեկամության խումբ, Թաթարը վստահություն է հայտնել, որ միջխորհրդարանական բարեկամության խմբի շրջանակում համագործակցությունը նոր խորհրդարանի հետ հաջողությամբ կշարունակվի։ Նա գոհունակությամբ հիշել է, որ իր երկիրը հրավիրվել է Թյուրքական պետությունների կազմակերպության Շուշիի գագաթնաժողովին և երախտագիտություն հայտնել Ալիևին։
Ալիևը շնորհակալություն է հայտնել շնորհավորանքների համար։ Նա նշել է, որ Ադրբեջանը կշարունակի աջակցել Հյուսիսային Կիպրոսի կապերի զարգացմանն ու համագործակցության ընդլայնմանը Թյուրքական պետությունների կազմակերպության շրջանակում։
Զրույցի ընթացքում մտքերի փոխանակություն է տեղի ունեցել փոխադարձ հետաքրքրություն ներկայացնող հարցերի շուրջ։
Նախօրեին էլ Թուրքիայի նախագահ Ռեջեփ Թայիփ Էրդողանն էր զանգահարել Ալիևին ու շնորհավորել ընտրություններում հաղթանակի կապակցությամբ։
