22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Ադրբեջանը սեպտեմբերի 1-ից սկսել է գազ մատակարարել Խորվաթիային
Քաղաքականություն
02.09.2024 | 23:01
Սեպտեմբերի 1-ից Ադրբեջանի պետական նավթային SOCAR ընկերությունը սկսել է գազ մատակարարել Խորվաթիա։ Այս մասին հայտնում է SOCAR-ը։
Նշվում է, որ Ադրբեջանի և Խորվաթիայի կառավարությունների հաջող համագործակցության արդյունքը PPD ընկերության և MET խմբի միջոցով ադրբեջանական գազի մատակարարումն է Խորվաթիա։
Ընկերությունը հայտարարում է, որ մատակարարումների մեկնարկն ավելի է ամրապնդում Ադրբեջանի՝ որպես հուսալի էներգետիկ գործընկերոջ դերը։ Իրադարձությունն ընդգծում է SOCAR-ի հանձնառությունը Եվրոպայի համար էներգիայի աղբյուրները դիվերսիֆիկացնելու և մայրցամաքի էներգետիկ անվտանգությունն ամրապնդելու հարցում։
Այսպիսով՝ Խորվաթիան դարձել է ադրբեջանական գազ ստացող տասներորդ երկիրը՝ Թուրքիայի, Վրաստանի, Իտալիայի, Հունաստանի, Բուլղարիայի, Ռումինիայի, Հունգարիայի, Սերբիայի և Սլովենիայի հետ միասին։
