26.12.2025 | 23:15
Ալիևն Արցախում իր ընտանիքին պատկանող հերթական հյուրանոցն է բացել
Ադրբեջանի ԱԳՆ-ը պատասխանել է Նիկոլ Փաշինյանին
Քաղաքականություն
31.08.2024 | 19:16
Ափսոսանք է առաջացնում այն, որ օգոստոսի 31-ին կայացած մամուլի ասուլիսում Հայաստանի վարչապետը հերթական անգամ մի շարք հայտարարություններ է արել, որոնք հակասում են Ադրբեջանի և Հայաստանի միջև հարաբերությունների կարգավորման գործընթացին և տարածաշրջանում խաղաղության և անվտանգության ապահովման ջանքերին: Ինչպես հաղորդում է ԱՊԱ գործակալությունը, այս մասին ասել է Ադրբեջանի ԱԳՆ մամուլի քարտուղար Այհան Հաջիզադեն՝ մեկնաբանելով օգոստոսի 31-ին կայացած մամուլի ասուլիսի ժամանակ Հայաստանի վարչապետի հայտարարությունները։
«Այն պնդումները, թե Ադրբեջանի Սահմանադրական ակտում իբր Հայաստանի նկատմամբ տարածքային նկրտումներ կան, բացարձակապես սխալ են։ Այս հարցում Ադրբեջանի Սահմանադրության և Հայաստանի Սահմանադրության միջև զուգահեռներ անցկացնելու և հավասարություն ստեղծելու փորձն անընդունելի է: Հայաստանի այս փաստարկը չի ընդունվում որևէ միջազգային գործընկերոջ կողմից, և բոլորը գիտեն, որ դա լուրջ չէ։
Ի տարբերություն Հայաստանի Սահմանադրության, 1991թ. պետական անկախության մասին Սահմանադրական ակտում և 1918թ. Անկախության հռչակագրում, որոնց հղում է կատարվում Ադրբեջանի Սահմանադրության մեջ, Հայաստանի նկատմամբ տարածքային պահանջներ չկան: Իսկ այն, թե որ տարածքներն են Ադրբեջանի կազմում եղել Ադրբեջանի առաջին հանրապետության ժամանակ և երբ են դրանք ներառվել Հայաստանի կազմում, պատմական փաստեր են, և այդ փաստերը չի կարելի հերքել։ Դա ոչ մի դեպքում չի նշանակում, որ ներկայումս Ադրբեջանի օրենսդրության մեջ տարածքային պահանջներ կան Հայաստանի նկատմամբ»,- ասված է հայտարարության մեջ։
Հիշեցնենք, որ ավելի վաղ ՀՀ վարչապետ Նիկոլ Փաշինյանն ասուլիսի ժամանակ ասել էր, որ Ադրբեջանի սահմանադրությունը տարածքային պահանջներ է պարունակում ՀՀ-ից։
