01.11.2024 | 18:38
Իսպանիայում ջրհեղեղի զոհերի թիվը հասել է 208-ի. կան անհայտ թվով կորածներ
Չե՛մ ուզում իմ գնդակահարության փամփուշտի համար ինքս վճարեմ, չե՛մ ուզում Հայաստանը վերածեն Օրուելի «Անասնաֆերմայի»․ Արմեն Մարտիրոսյան․ ՏԵՍԱՆՅՈՒԹ
Քաղաքականություն
29.08.2024 | 19:00
Հայաստանում մարդկանց տեղաշարժը շուտով կարող է տեսահսկվել։ Հայաստանի կառավարությունն ու իշխող «Քաղաքացիական պայմանագիր» խմբակցության պատգամավոր Հայկ Սարգսյանն օրենսդրական նախաձեռնությամբ են հանդես եկել՝ «Ոստիկանության մասին օրենքում փոփոխություններ առաջարկելով։ Այս և այլ թեմաների շուրջ Factor.TV-ի տաղավարում զրուցել ենք «Անտարես» հրատարակչության ղեկավար Արմեն Մարտիրոսյանի հետ։
«ՀՀ ոստիկանությունն ուզում ա «գյոզ դնի» ու մեզ ասում ա՝ դո՛ւք պիտի վճարեք դրա համար»,- ասում է հրատարակիչը։ Մարտիրոսյանը շեշտում է՝ որպես ՀՀ քաղաքացի հարկեր է վճարում է ու, այս դեպքում պետությունն ինքը պետք է օրենսդրական նախաձեռնությունից բխող ծախսերը հոգա․ «Պետություն ես, դո՛ւ դիր կամերաները, ինչի՞ ես ինձ ստիպում»։
Անդրադառնալով հարցին, թե օրենսդրական փաթեթի վրա աշխատելիս, մի շարք երկրների փորձ են վերցրել նախագծի հեղինակները, Մարտիրոսյանն ասաց․«Եկել են ուզում են ծովի կանոնները սարում կիրառեն, չի՛ լինում այդպես»։
Պատասխանելով հարցին՝ Հայաստանում գրաքննության կարիք կա, թե՞ կարելի է ամեն ինչ տպագրել ու ընտրությունը թողնել ընթերցողի ճաշակին, նշեց՝ Հայաստանում կա ցենզուրա։ «Ներմուծվող գրքեր կան, որ կարդում է ԱԱԾ-ն։ Հայաստանում կա ցենզուրա։ Հրատարակիչն ուզել է Անդրանիկ Օզանյանի մասին գիրքն արտահանել՝ թույլ չեն տվել»,- ասաց Մարտիրոսյանը։
Հարցազրույցն ամբողջությամբ՝ տեսանյութում։
Անահիտ Խաչատրյան
