05.04.2026 | 21:04
Թրամփը կրկին սպառնում է հարվածներ հասցնել Իրանի էլեկտրակայաններին և կամուրջներին
Հյուսիսային Կորեան ավելի քան 13 հազար կոնտեյներ զենք է մատակարարել Ռուսաստանին․ Yonhap
Քաղաքականություն
27.08.2024 | 16:59
Հյուսիսային Կորեան, երկկողմ ռազմական հարաբերությունների խորացման պայմաններում, 2022 թվականի կեսերից ի վեր Ռուսաստան է ուղարկել ավելի քան 13 հազար կոնտեյներ, որոնք, հնարավոր է, զենք են պարունակել։ Այս մասին հայտնում է Yonhap գործակալությունը։
Հյուսիսային Կորեան շուրջ երկու տարվա ընթացքում 152 մմ տրամաչափի 6 միլիոն հրետանային արկ է ուղարկել արևելյան Նաջին նավահանգստից, ասվում է Կորեայի Ազգային հետախուզական գործակալության զեկույցում:
Հարավկորեացի զինվորականները ԿԺԴՀ-ի կողմից Ռուսաստանին զենք փոխանցելու նշաններ գրանցել են 2022 թվականի փետրվարին Ուկրաինայում պատերազմի բռնկման պահից ի վեր:
«Ուկրաինայում երկարատև պատերազմին պատրաստվելու համար Ռուսաստանը սկսել է Հյուսիսային Կորեան դարձնել որպես զենքի և զինամթերքի մատակարարման պաշտոնական բազա»,- նշում է հարավկորեական գերատեսչությունը։
