01.11.2024 | 13:22
Առողջության համապարփակ ապահովագրությունը 2025 թվականին չի լինի․ Ֆինանսների նախարար․ ՏԵՍԱՆՅՈՒԹ
Բորելն ու Իրանի ԱԳ նախարարը հեռախոսազրույց են ունեցել
Քաղաքականություն
23.08.2024 | 18:57
Իրանի արտգործնախարար Աբբաս Արաղչին ու ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը հեռախոսազրույցի ընթացքում քննարկել են Թեհրանի և Եվրոպայի հարաբերությունները, Գազայի հատվածում ընթացող պատերազմը, այլ հարցեր, գրում է Mehr գործակալությունը։
«Իրանի Իսլամական Հանրապետությունը ողջունում է Եվրամիության հետ հարաբերությունների զարգացումը փոխադարձ հարգանքի վրա հիմնված մթնոլորտում, և դա պահանջում է երկխոսություն՝ լուծելու նրանց միջև առկա խնդիրները և ուղղելու եվրոպական երկրների սխալ քաղաքականությունը»,- ասել է Իրանի ԱԳ նախարարը։
Բորելն իր հերթին շնորհավորել է Արաղչիին Իրանի Իսլամական Հանրապետության արտաքին գործերի նախարարի պաշտոնում ընտրվելու կապակցությամբ։ Անդրադառնալով տարածաշրջանային և գլոբալ առկա խնդիրներին՝ նա հույս է հայտնել, որ Իրանի նախագահ Մասուդ Փեզեշքիանի վարչակազմի օրոք Թեհրանի ու ԵՄ-ի միջև քաղաքական երկխոսությունն ու խորհրդակցությունները կշարունակվեն և կընդլայնվեն։
Կողմերը քննարկել են նաև մի շարք այլ հարցեր, այդ թվում՝ պատժամիջոցների վերացման շուրջ բանակցությունները, Գազայում ստեղծված իրավիճակը։
