15.12.2025 | 13:49
Ուիթկոֆը հայտարարել է Բեռլինում Զելենսկիի հետ բանակցություններում «նշանակալի առաջընթացի» մասին
Նարենդրա Մոդիի՝ Կիև այցի ընթացքում չորս փաստաթուղթ է համաձայնեցվել․ Զելենսկի
Քաղաքականություն
23.08.2024 | 19:38
Ուկրաինայի նախագահ Վլադիմիր Զելենսկին Կիև ժամանած Հնդկաստանի վարչապետ Նարենդրա Մոդիի հետ բանակցությունների բովանդակության վերաբերյալ լրագրողներին ասել է, որ Հնդկաստանը և Ուկրաինան համաձայնեցրել են չորս տարբեր ոլորտներում համագործակցության փաստաթղթերը։
BBC-ի ռուսական ծառայության հաղորդմամբ՝ այդ փաստաթղթերը վերաբերում են բժշկության, գյուղատնտեսության, ինչպես նաև հումանիտար և մշակութային ոլորտներում համագործակցությանը։
Reuters-ը հայտնում է, որ Զելենսկին Մոդիի այցն անվանել է պատմական՝ հավելելով, որ մտադիր է Հնդկաստանի վարչապետի հետ քննարկել Խաղաղության երկրորդ գագաթնաժողովը և Հնդկաստանի հետ առևտրային ու ռազմական համագործակցության ամրապնդումը։
Մինչ բանակցությունների մեկնարկը Մոդին և Զելենսկին այցելել են Կիևում ռուսական ագրեսիայի հետևանքով զոհված երեխաների հիշատակի հուշահամալիր և խաղալիքներ դրել այնտեղ։
