Քաղաքականություն
22.08.2024 | 16:30
Այս ընտրություններում մենք կանգնած ենք շատ ավելի մեծ մարտահրավերի առջև, քան պարզապես հաղթելը: «Վրացական երազանքի» խնդիրն է՝ սահմանադրական մեծամասնությանը հավասար հաղթանակ տանել, որը հաջողությամբ կլուծի Վրաստանի ոչ միայն կարճաժամկետ, այլև երկարաժամկետ ազգային նպատակները։ IPN-ի փոխանցմամբ՝ այս մասին հայտարարել է «Վրացական երազանքի» հիմնադիր և պատվավոր նախագահ Բիձինա Իվանիշվիլին՝ ելույթ ունենալով Մցխեթայում նախընտրական քարոզարշավի շրջանակում արտագնա միջոցառման ժամանակ։
Նրա խոսքով՝ խորհրդարանական ընտրությունները «պետք է դառնան «Ազգային շարժման» Նյուրնբերգյան դատավարությունը», իսկ վրաց ժողովուրդը պետք է դատի այն քաղաքական գործիչներին, ովքեր հայրենիք չունեն և հանդիսանում են օտարերկրյա գործակալներ։
Իվանիշվիլին պարզաբանել է՝ սահմանադրական մեծամասնություն ստանալու պայմաններում ոչ մի արտաքին պաշտպանություն չի կարող «Ազգային շարժմանը» փրկել արժանի պատժից։
