22.11.2024 | 12:44
Հունաստանում ՀՀ դեսպանը հանդես է եկել «Հայաստանի անվտանգային միջավայրն այսօր» թեմայով դասախոսությամբ
Ուկրաինական Խերսոնում գիշերային գրոհից հետո լույս և ջուր չկա․ մեկ զոհ կա
Քաղաքականություն
22.08.2024 | 13:39
Գիշերը ուկրաինական Խերսոնի շրջանի և Խերսոն քաղաքի վրա ռուսական հարձակման հետևանքով զոհվել է մեկ մարդ, վիրավորվել է 18-ը։ Այս մասին հայտնել է շրջանային ռազմական վարչակազմի ղեկավար Ալեքսանդր Պրոկուդինը, փոխանցում է BBC-ի ռուսական ծառայությունը։
Էներգետիկ օբյեկտի և ջրամատակարարման համակարգի վրա գիշերային հարձակման հետևանքով քաղաքը մասամբ մնացել է առանց էլեկտրականության և ջրի։
Տոմարինո գյուղի 87-ամյա բնակիչը գնդակոծության հետևանքով կյանքի հետ անհամատեղելի վնասվածքներ է ստացել և մահացել, գրել է Պրոկուդինը։ Խերսոն քաղաքի Կորաբելնի թաղամասում հարվածից հետո մի կին վիրավորվել է իր բնակարանում։ Խերսոնի հասարակական տրանսպորտի կանգառում անօդաչու թռչող սարքի հարձակումից հետո 19-ամյա երիտասարդը տեղափոխվել է հիվանդանոց։
