Քաղաքականություն
21.08.2024 | 17:06
Ադրբեջանի էներգետիկայի փոխնախարար, Ադրբեջանի COP29-ի գլխավոր գործադիր տնօրեն Էլնուր Սոլթանովը հայտարարել է, որ ավելի քան 50 պետությունների և կառավարությունների ղեկավարներ հաստատել են իրենց մասնակցությունը COP29-ին, ակնկալվում է, որ նրանց թիվը կավելան։ Թուրքական Անադոլու գործակալությանը տված հարցազրույցում Սոլթանովը հայտարարել է, որ երկու շաբաթվա ընթացքում Բաքուն կընդունի մոտ 80 հազար հյուր։
Հրավերներ են ուղարկվել բոլոր երկրներին, այդ թվում՝ Հայաստանին, որի հետ «Ադրբեջանը ժամանակին հակամարտության մեջ է եղել», գրում է թուրքական գործակալությունը։
«Մենք ունենք ենթակառուցվածք օրական մոտ 40 հազար հյուր ընդունելու համար։ Հրավերներ են ուղարկվել աշխարհի բոլոր պետությունների ղեկավարներին։ Ավելի քան 50 պետությունների և կառավարությունների ղեկավարներ հաստատել են իրենց մասնակցությունը։ Ակնկալում ենք, որ այս թիվը կավելանա։ Հայաստանը նույնպես հրավիրված է»,- ասել է նա։
Արցախի դեմ պատերազմ սանձազերծած, Արցախը հայաթափած և ՀՀ ինքնիշխան տարածք ներխուժած Ադրբեջանի ներկայացուցիչը նաև ասել է, թե COP 29-ի ժամանակ Բաքուն կոչ է անելու հրադադար հաստատել ամբողջ աշխարհում։
«Կլիմայի և խաղաղության հարաբերությունները ևս Ադրբեջանի առաջարկների թվում են։ COP 29-ին մենք կոչ կանենք դադարեցնել կրակն ողջ աշխարհում, ինչպես Օլիմպիական խաղերի ժամանակ»,- ասել է Սոլթանովը։
