09.09.2026 | 10:58
Գազամատակարարման պլանային դադարեցումներ Արագածոտնի, Շիրակի և Լոռու մարզերում
Ռոստովի մարզում նավթի պահեստում բռնկված հրդեհը երրորդ օրն է՝ չի հաջողվում մարել․ ՏԵՍԱՆՅՈՒԹ
Քաղաքականություն
20.08.2024 | 15:22
Ռոստովի մարզի Պրոլետարսկ քաղաքի դիզվառելիքի պահեստում բռնկված հրդեհն արդեն երրորդ օրն է՝ չի մարվում։ Հրդեհի մակերեսը զգալիորեն ավելացել է և այժմ կազմում է 10 հազար քառակուսի մետր, հայտնում են ռուսական լրատվամիջոցները՝ վկայակոչելով տարածաշրջանի արտակարգ իրավիճակների ծառայություններին։
DW-ի ռուսական ծառայության փոխանցմամբ՝ տեղում աշխատում է մոտ 600 փրկարար և 150 միավոր տեխնիկա, բացի այդ, դիտարկվում է կրակը մարելու համար ավիացիայի ներգրավման հնարավորությունը։
Baza Տելեգրամ-ալիքի հաղորդմամբ՝ վառելիքի 74 բաքերից 22-ն արդեն այրվում են և, հավանաբար, կշարունակեն այրվել դեռ մի քանի օր։ Ավելի վաղ հաղորդվել էր, որ այրվել է վառելիքի 11 բաք։ Հրդեհը դեռ տեղայնացված չէ։
Ռոստովի մարզի նահանգապետ Վասիլի Գոլուբևը հայտնե է, որ Պրոլետարսկի վառելիքի պահեստում հրդեհի պատճառ է դարձել օգոստոսի 18-ին ուկրաինական կործանված անօդաչու թռչող սարքի բեկորների անկումը։ Հաջորդ օրը Պրոլետարսկի շրջանում բարձր զգոնության ռեժիմ է սահմանվել, իսկ Պրոլետարսկ քաղաքում արտակարգ դրություն է հայտարարվել։ Տեղի իշխանությունների տվյալներով՝ տուժել է 18 մարդ, բոլորը հրշեջներ են։
Ավելի ուշ Գոլուբևը հայտնել է, որ տուժել է 41 հրշեջ, որոնցից 18-ին անհրաժեշտ է հոսպիտալացում։
