06.12.2025 | 14:15
Ժաննա Անդրեասյանը Լեհաստան կգործուղվի
Ըստ Ալիևի՝ Հարավային Կովկասի կայունությունն ու անվտանգությունը «մեծապես կախված են ՌԴ-ի և Ադրբեջանի սերտ փոխգործակցությունից»
Քաղաքականություն
19.08.2024 | 17:34
Ամբողջ Հարավային Կովկասի տարածաշրջանի կայունությունն ու անվտանգությունը մեծապես կախված են Ռուսաստանի և Ադրբեջանի սերտ փոխգործակցությունից։ Ադրբեջանական լրատվամիջոցների հաղորդմամբ՝ այս մասին հայտարարել է Ադրբեջանի նախագահ Իլհամ Ալիևը իր ռուս գործընկեր Վլադիմիր Պուտինի հետ բանակցություններից հետո մամուլի համար հայտարարության ընթացքում։
«Նեղ կազմով հանդիպմանը մանրամասն քննարկվել են տարածաշրջանային անվտանգությանն առնչվող հարցեր։ Անցած տարվա սեպտեմբերից հետո տարածաշրջանում բոլորովին նոր իրավիճակ է ստեղծվել։ Ադրբեջանը լիովին վերականգնել է իր ինքնիշխանությունն ու տարածքային ամբողջականությունը։ Բնականաբար, նոր իրավիճակը նոր հնարավորություններ է բացում Հարավային Կովկասում ամուր և երկարաժամկետ խաղաղության հաստատման համար։ Ամբողջ հարավկովկասյան տարածաշրջանի կայունությունն ու անվտանգությունը մեծապես կախված են Ռուսաստանի և Ադրբեջանի սերտ փոխգործակցությունից»,- ընդգծել է Ադրբեջանի ղեկավարը։
