07.10.2026 | 22:05
Վրաստանի կրթության, գիտության և երիտասարդության նախարարի հետ քննարկվել են համագործակցության հեռանկարները
Ուկրաինայի ԶՈւ-ն Կուրսկի շրջանում, հնարավոր է, գերի է վերցրել մոտ 2000 ռուս զինվորի․ The Independent
Քաղաքականություն
16.08.2024 | 16:13
Ուկրաինայի զինված ուժերը Կուրսկի շրջանում իրականացված գործողության ընթացքում, հնարավոր է, գերի են վերցրել մոտ 2000 ռուս զինվորի։ Այս մասին հայտնում է բրիտանական The Independent պարբերականը՝ վկայակոչելով ուկրաինացի գնդապետի, որ չի ցանկացել հրապարակել անունը։
Ուկրաինայի նախագահ Վլադիմիր Զելենսկին այս շաբաթ հայտարարեց, որ ներխուժման նպատակներից մեկը ռուս ռազմագերիների «փոխանակման ֆոնդը» համալրելն է:
Մասնավոր և հանրային գնահատականները, թե քանի ռուս զինվոր է գերի ընկել այս ներխուժման ժամանակ, էապես տարբերվում են։
«Զելենսկին ասում է, որ ուկրաինական զորքերը մոտ 100 գերի են վերցրել, ուկրաինացի գնդապետը պնդում է, որ իրական թիվը մոտ 2000 է»,- գրում է The Independnet-ը:
Ըստ պարբերականի՝ հրապարակված տեսանյութերում երևում են աչքերը կապված տղամարդիկ, որոնք, կարծես, ռուս զինվորներ են, և որոնց տանում են ուկրաինական Սումիի շրջանով։ Հրապարակման մեջ նշվում է նաև, որ երկրորդ համաշխարհային պատերազմից ի վեր սա ամենամեծ օտարերկրյա հարձակումն է Ռուսաստանի Դաշնության ինքնիշխան տարածքի վրա, և չնայած Մոսկվայի պաշտոնյաների պնդումներին, թե իրավիճակը կայունացել է, սոցիալական ցանցերում մի քանի օր տարածվող կադրերը հուշում են, որ դրանք կեղծ են:
Լրատվամիջոցի տվյալներով՝ օպերացիային ներգրավված է եղել շուրջ 8000 զինվոր, մի քանի հազար զինվոր էլ պատրաստ է եղել պայքարի մեջ մտնել։
