Քաղաքականություն
16.08.2024 | 16:37
ԱՄՆ իշխանությունները մտադիր են առաջիկա շաբաթներին Ուկրաինային տրամադրել ռազմական օգնության նոր փաթեթ, ասել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։ Նա չի հստակեցրել, թե ինչ է ներառվելու այս փաթեթում։
«Ես ձեզ այսօր ասելու ոչինչ չունեմ, բայց դուք կտեսնեք, որ մենք կշարունակենք ռազմական օգնության նոր փաթեթներ տրամադրել Ուկրաինային առաջիկա շաբաթների ընթացքում», – ասել է Քիրբին MSNBC-ին տված հարցազրույցում:
Պաշտոնյան ստույգ ժամկետներ չի նշել։
Նախօրեին Politico-ն հայտնել էր, որ ԱՄՆ վարչակազմը քննարկում է Ուկրաինային հեռահար հրթիռներ մատակարարելու հարցը։ Ըստ թերթի՝ խոսքը JASSM հրթիռների մասին է, որոնք կրող չորրորդ սերնդի ամերիկյան կործանիչները կարող են թիրախների հարվածել ավելի քան 300 կմ հեռավորության վրա։
