11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ԱՄՆ-ը քննարկում է Ուկրաինային F-16 կործանիչների համար JASSM թևավոր հրթիռներ տրամադրելու հնարավորությունը. Politico
Քաղաքականություն
16.08.2024 | 11:20
ԱՄՆ իշխանությունները դիտարկում են Ուկրաինային F-16 կործանիչների համար մեծ հեռահարությամբ JASSM թևավոր հրթիռներ տրամադրելու հարցը, որոնց առաջին խմբաքանակը վերջերս ստացավ Կիևը։ Այս մասին գրում է Politico-ն՝ հղում անելով ԱՄՆ նախագահի վարչակազմի պաշտոնյային և հարցի քննարկմանը ծանոթ երկու այլ աղբյուրների։ JASSM (Joint Air-to-Surface Standoff Missile) օդ-երկիր հրթիռ է, ո11րն ունի բարձր ճշգրտություն:
Վարչակազմի պաշտոնյան նախազգուշացրել է, որ դեռ շատ աշխատանք պետք է կատարվի մինչև հրթիռները հասնեն Ուկրաինա։ Եթե գործարքը կայանա՝ խորհրդային և F-16 կործանիչները կարող են JASSM հրթիռներն արձակել ավելի քան 370 կիլոմետր հեռավորության վրա գտնվող թիրախների ուղղությամբ: Սակայն վերջնական որոշումը, ըստ նրա, դեռ կայացված չէ։
Ամերիկացի օրենսդիրների մի խումբ, ըստ հրապարակման, նախագահի վարչակազմից պահանջում է թուլացնել Կիևի՝ Ռուսաստանի տարածքին ԱՄՆ-ի կողմից մատակարարվող զենքով հարվածելու սահմանափակումները:
Արևմուտքը Կիևին խոստացել էր 79 ամերիկյան կործանիչ, դրանց առաջին խմբաքանակը մատակարարվել է երկու շաբաթ առաջ: Ըստ The Telegraph-ի՝ առաջին ինքնաթիռներն արդեն մարտական առաջադրանքներ են կատարել Ուկրաինայում՝ «օդ-օդ» հրթիռներով, դրանք օգտագործվել են հակաօդային պաշտպանության համար։
