13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Հայկական կոխն ու կորեական թաեքվոնդոն. հանդիպում՝ ի նպաստ սպորտի ոլորտում հայ-կորեական համագործակցության զարգացման
06.09.2018 | 20:21
ՀՀ սպորտի և երիտասարդության հարցերի նախարարի տեղակալ Գաբրիել Ղազարյանն այսօր ընդունել է Հայաստանի Հանրապետությունում Կորեայի դեսպանատան լիազոր նախարար, մշակութային գծով խորհրդական Կիմ Իլ Հվանգին (նստավայրը՝ Մոսկվա):
Կողմերը քննարկել են սպորտի ոլորտում երկու երկրների համագործակցության զարգացմանը, այդ թվում նաև՝ հայկական կոխ և կորեական թաեքվոնդո ազգային մարզաձևերին առնչվող հարցեր: Քննարկվել են Սեուլում 2019 թվականին դեսպանատան կողմից նախատեսվող հայկական մշակույթի և սպորտի փառատոնի կազմակերպչական հարցեր:
Նախարարի տեղակալը, ողջունելով հյուրին, նախարար Լևոն Վահրադյանի և իր անունից պատրաստակամություն է հայտնել սպորտի ոլորտում Հայաստանի և Կորեայի փոխգործակցությունն ավելի սերտացնելու, նոր և հետաքրքիր ծրագրեր իրականացնելու վերաբերյալ:
Պարոն Հվանգը, նախքան հանդիպումը դիտելով հայ թաեքվոնդոյիստների մարզումները, նախարարի տեղակալին է փոխանցել իր գոհունակությունը՝ ընդգծելով հայ մարզիկների պատրաստվածությունը և մարզական վարպետության բարձր մակարդակը:
