09.09.2026 | 23:17
Ինչ ե քննարկել Փաշինյանը և Մակրոնը. Կառավարությունը մանրամասներ է ներկայացրել
Ադրբեջանը ոչնչացրել է Արցախի Հադրութի շրջանի Մոխրենես գյուղը
Քաղաքականություն
14.08.2024 | 16:41
Արբանյակային վերջին լուսանկարները ցույց են տալիս, որ Ադրբեջանը ոչնչացրել է Արցախի Հադրութի շրջանի Մոխրենես գյուղը։ Այն ադրբեջանական վերահսկողության տակ էր անցել 2020 թվականի հոկտեմբերին՝ 44-օրյա պատերազմի հետևանքով։ Այս մասին X-ում գրառմամբ հայտնում է Արցախի մարդու իրավունքներ պաշտպանի գրասենյակը։
«Արբանյակային պատկերները ցույց են տալիս, որ գյուղի տների մեծ մասը, դպրոցը, մանկապարտեզը և այլ շինություններ քանդվել են։ Ընդհանուր առմամբ, քանդվել է ավելի քան 40 տուն և շինություն, իսկ Մոխրենեսի Սուրբ Սարգիս եկեղեցին ամբողջությամբ ավերվել է մինչև 2022 թվականի հոկտեմբերը։ Ադրբեջանի կողմից Արցախի մշակութային ցեղասպանությունը շարունակվում է միջազգային հանրության մեղսակից լռությամբ»,- ասված է գրառման մեջ, որին կից հրապարակվել են նաև արբանյակային լուսանկարները։
