11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Սլովակիայում բողոքի ցույցեր են տեղի ունեցել ընդդեմ Ֆիցոյի կառավարության
Քաղաքականություն
14.08.2024 | 22:02
Սլովակիայի մայրաքաղաք Բրատիսլավայում օգոստոսի 13-ին մի քանի հազար մարդ բողոքի ցույց է անցկացրել վարչապետ Ռոբերտ Ֆիցոյի ձախ պոպուլիստական կառավարության դեմ։ Կազմակերպիչների գնահատմամբ՝ ցույցին մասնակցել է մոտ 18 հազար մարդ։ Ամբոխը վանկարկել է «Ամո՛թ» և պահանջել մշակույթի նախարար Մարտինա Շիմկովիչովայի հրաժարականը, գրում է DW-ի ռուսական ծառայությունը։
Բողոքի պատճառ է դարձել այն, որ Շիմկովիչովան անսպասելիորեն աշխատանքից ազատել է Սլովակիայի ազգային թատրոնի գլխավոր տնօրենին և Սլովակիայի ազգային պատկերասրահի ղեկավարին։
Մարտինա Շիմկովիչովան, որը հայտնի է իր ազգայնական հայացքներով, դժգոհություն է առաջացրել Սլովակիայում՝ 2023 թվականի հոկտեմբերին մշակույթի նախարար նշանակվելուց հետո։ Նա հայտարարել է, որ ցանկանում է սերմանել «ազգային սլովակյան մշակույթը», և որ «գենդերային մոլուցքն» ու «ԼԳԲՏ օրակարգն» այլևս չեն ֆինանսավորվի «պետության կողմից»։
Բացի այդ, նա որոշում է ստորագրել Սլովակիայի և Ռուսաստանի Դաշնության ու Բելառուսի միջև մշակութային հաղորդակցության և համագործակցության վերականգնման մասին, որն ընդհատվել էր Ուկրաինա ռուսական ներխուժումից հետո:
