01.11.2024 | 15:22
Իրանից քաղցրավենիքի պարունակությամբ ծանրոցի անվան տակ թմրամիջոց է տեղափոխել Հայաստան
Իրավապաշտպանները կոչ են անում ՄԱԿ-ին՝ կլիմայական համաժողովները չանցկացնել ավտորիտար երկրներում
Քաղաքականություն
13.08.2024 | 17:29
Մի խումբ միջազգային հասարակական կազմակերպությունների ներկայացուցիչներ և ադրբեջանցի քաղաքական միգրանտներ բաց նամակ են հղել ՄԱԿ-ի Կլիմայի փոփոխության շրջանակային կոնվենցիայի (UNFCCC) քարտուղարություն՝ կոչ անելով ավտորիտար երկրներում կլիմայական գագաթնաժողովներ չանցկացնել, փոխանցում է ադրբեջանական Թուրան գործակալությունը։
«Մենք՝ որպես հասարակական կազմակերպությունների համաշխարհային կոալիցիա, բողոք ենք հայտնում ՄԱԿ-ի համաժողովները հյուրընկալելու ժամանակ ռեպրեսիվ կառավարություններին արտոնություններ տալու դեմ»,- ասված է խնդրագրում։
Նրանք, մասնավորապես, նշում են, որ այն բանից հետո, երբ 2024 թվականի նոյեմբերին Ադրբեջանին տրվեց COP29-ը հյուրընկալելու արտոնությունը, երկիրը մեծացրել է ճնշումը քաղաքացիական հասարակության վրա՝ այն ամբողջությամբ վերացնելու համար։
Նախկինում նմանատիպ ճնշումներ են իրականացվել Եգիպտոսում COP27-ին և ԱՄԷ-ում COP28-ին ընդառաջ:
COP29-ը Բաքվում անցկացնելու որոշումն արդեն հանգեցրել է հարյուրավոր իրավապաշտպանների և լրագրողների ձերբակալությունների Ադրբեջանում։
