11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Բելգորոդի նահանգապետը հայտնել է, որ գրեթե ամբողջ բնակչությունը լքել է Կրասնոյարուժսկի շրջանը
Քաղաքականություն
13.08.2024 | 10:55
Բելգորոդի մարզի նահանգապետ Վյաչեսլավ Գլադկովն այսօր առավոտյան հաստատել է, որ գրեթե ամբողջ բնակչությունը լքել է սահմանային Կրասնոյարուժսկի շրջանը։
«Ավելի քան 11 հազար մարդ հեռացել է: Այժմ շուրջ հազար մարդ գտնվում է ժամանակավոր կացարաններում»,- ասել է մարզի ղեկավարը տեսաուղերձում։
2021 թվականի մարդահամարի արդյունքներով՝ տարածքի բնակչությունը 14 հազարից մի փոքր ավելի է եղել, նշում է BBC-ի ռուսական ծառայությունը։
Մեկ օր առաջ Գլադկովը հայտարարել էր Կրասնոյարուժսկի շրջանից բնակիչների տարհանման մասին։ Ավելի ուշ տեղի իշխանությունները փակել էին տարածաշրջան մուտքը:
Բելգորոդի շրջանի Կրասնոյարուժսկի բնակավայրն արևմուտքում սահմանակից է Ուկրաինային, իսկ հյուսիսում՝ Կուրսկի շրջանի Բելովսկի շրջանին, որտեղ նույնպես հայտարարվել է պարտադիր տարհանում։
