11.01.2025 | 16:27
Որոշ շրջաններում ձյուն է սպասվում. առաջիկա օրերի եղանակի կանխատեսումը
«Տավուշը հանուն հայրենիքի» շարժման երիտասարդ աջակիցները երթ են անցկացնում
12.08.2024 | 18:49
Երիտասարդության միջազգային օրվա առթիվ «Տավուշը հանուն հայրենիքի» շարժման աջակից երիտասարդները երթ են անցկացնում։ Նրանք Մատենադարանի մոտից քայլերթով գնալու են դեպի Սուրբ Աննա եկեղեցի՝ երիտասարդական հավաքի։
Մինչև քայլերթի մեկնարկը, շարժման մասնակից երիտասարդներից մեկը լրագրողների հետ զրույցում անդրադարձավ երիտասարդների խնդրին։ Նրա խոսքով՝ այսօր բուհերում թույլ չեն տալիս, որ ուսանողներն իրենց կարծքն ազատ արտահայտեն, քաղաքական տեսակետ հայտնել, իսկ որոշ դասախոսներ գնահատում են՝ ելնելով նրանց քաղաքական հայացքներից։
Նշենք՝ «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը հայտարարել էր, որ վարչապետ Նիկոլ Փաշինյանին հեռացնելու օրակարգով սեպտեմբերին պայքարի երկրորդ փուլ է սպասվում։
Այս ընթացքում Բագրատ արքեպիսկոպոս Գալստանյանն ամեն երկուշաբթի օրերին Սուրբ Աննա եկեղեցու բակում հանդիպումներ է ունենում քաղաքացիների հետ, իսկ շաբաթ- կիրակի այցելում մարզեր։ Այս հանգստյան օրերին նա այցելել է Արարատի մարզ։
