07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Իսրայելի գործողություններին Թեհրանի պատասխանը կլինի արժանապատիվ և կոշտ. իրանցի գեներալ
Քաղաքականություն
12.08.2024 | 14:32
Թեհրանի պատասխանն իսրայելական կողմի գործողություններին կլինի արժանապատիվ և կոշտ։ Այս մասին «Բանակ-2024» ֆորումի շրջանակում ՏԱՍՍ-ի հետ զրույցում ասել է Իրանի զինված ուժերի գլխավոր շտաբի օպերատիվ շտաբի պետի տեղակալ, բրիգադային գեներալ Ալի Շադմանին։
«Իրանի տեսանկյունից՝ ահաբեկչական խմբավորումը [ՀԱՄԱՍ-ի քաղբյուրոյի նախագահ Իսմայիլ Հանիեի սպանությամբ] խախտել է տարածաշրջանի անվտանգության հավասարակշռությունը: Համաշխարհային մեծամասնությունը չի որոշում՝ արդյո՞ք Իրանի նման ուժեղ երկիրը պետք է պատասխան տա։ Առաջնորդը որոշել է պատասխան գործողությունների մեթոդը, սա հեշտ ընտրություն չէր»,- ասել է նա։
«Կա երկու գործոն, որն ազդում է այս իրավիճակի վրա․ առաջինը՝ իրավիճակը տարածաշրջանում, իսկ երկրորդն ուղղված է ներքին խնդիրներին, բոլոր պետական այրերը միաձայն եկան այն եզրակացության, որ պատասխանը պետք է լինի արժանապատիվ և կոշտ»,- հավելել է իրանցի գեներալը։
«Բանակ-2024» միջազգային ռազմատեխնիկական ֆորումն անցկացվելու է օգոստոսի 12-ից 14-ը։ Միջոցառման ընթացքում մասնակիցներին կցուցադրվեն զենքի, ռազմական և հատուկ տեխնիկայի նմուշներ։
