23.11.2024 | 00:12
Կարելի է գնալ նման գործարքի,եթե կնքվի պայմանագիր. Փաշինյանը՝ Ադրբեջանի դեմ հայցերից հրաժարվելու մասին. ՏԵՍԱՆՅՈՒԹ
Իշխանությունները Կուրսկի շրջանի Բելովսկի շրջանում իրավիճակը «շատ լարված» են անվանել և կոչ են անում տարհանել բնակչությանը
Քաղաքականություն
12.08.2024 | 11:25
Կուրսկի շրջանի Բելովսկի շրջանում իրավիճակը շարունակում է լարված մնալ, շարունակվում է բնակչության կամավոր տարհանումը: BBC-ի ռուսական ծառայության փոխանցմամբ՝ այս մասին հայտնել է շրջանի ղեկավար Նիկոլայ Վոլոբուևը։
«Իրավիճակը շատ լարված է։ Նրանք, ովքեր կարող են ինքնուրույն ժամանել հավաքման կետ՝ Դոլգիե Բուդի գյուղ, գյուղական խորհուրդ կամ Օբոյանսկի շրջանի Բուշմենո բնակավայր, կտրամադրվեն ավտոբուսներ։ Նրանք, ովքեր դեռևս մնացել են տարածքում, կոչ ենք անում բոլոր բնակիչներին լքել տարածքը»,- գրել է նա Տելեգրամում։
Նախօրեին Վոլոբուևը Telegram-ում տեսանյութ էր հրապարակել, որտեղ ասում էր, որ այդ տարածքում «գործում է Ուկրաինայի զինված ուժերի դիվերսիոն խումբ»։
«Ցավոք, երեկ տեղի ունեցած իրադարձությունները, երբ դիվերսիոն-հետախուզական խմբերը ներխուժեցին մեր տարածք, մեծ շփոթություն և խուճապ առաջացրին։ Իրավիճակը կայուն է, սակայն չափազանց լարված։ Այսօր մեզ համար սահմանամերձ շրջաններում ստեղծված որոշ պահեր անհասկանալի են»,- գրել է Վոլոբուևը։
Նրա հայտարարությունից առաջ ռուս ռազմական բլոգերները գրում էին ուկրաինական զինված ուժերի Բելովսկի շրջան ներթափանցելու մասին, սակայն ավելի ուշ հերքել են այս հաղորդագրությունները։
Ռուսաստանի պաշտպանության նախարարությունը կիրակի կեսօրին հայտարարել է, թե կանխել է «Ուկրաինայի զինված ուժերի Կուրսկի շրջանի Բելովսկի շրջան ներխուժելու փորձը»։
