09.09.2026 | 16:38
Արմեն Գրիգորյանը նոր պաշտոն է ստացել միջազգային ընկերությունում
Իսրայելն իր զինվորականներից պահանջել է հեռանալ Ադրբեջանից և Վրաստանից
Քաղաքականություն
12.08.2024 | 10:45
Իսրայելական բանակն արգելել է իր զինծառայողներին մնալ Ադրբեջանում ու Վրաստանում Իրանի կողմից հարվածի սպառնալիքի ֆոնին։ Այս մասին հայտնել է Kan պետական հեռուստառադիո ընկերությունը, փոխանցում է ՏԱՍՍ-ը։
Ըստ տեղեկությունների՝ բանակային ղեկավարության հրամանի համաձայն՝ զինվորական ծառայության անցած իսրայելացիները, որոնք ինչ-որ պատճառներով գտնվում են այդ երկու հարավկովկասյան երկրներում, պարտավոր են անմիջապես վերադառնալ Իսրայել։ Kan-ը նշում է, որ Վրաստանն ու Ադրբեջանը գտնվում են Իրանին մոտ, այդ տարածքներում իրանցիներ են բնակվում, իսկ Ադրբեջանը նաև իսլամական հանրապետության հետ ընդհանուր սահման ունի։
Մերձավոր Արևելքում իրադրությունը կտրուկ սրվել է հուլիսի 31-ին Թեհրանում պաղեստինյան ՀԱՄԱՍ արմատական շարժման քաղբյուրոյի նախագահ Իսմայիլ Հանիեի սպանությունից և իսրայելական հարվածից Բեյրութում «Հըզբոլլահ»-ի ռազմական թևի հրամանատարներից մեկի՝ Ֆուադ Շուքրի սպանությունից հետո։ Հանիեի սպանության մեջ Իրանը և ՀԱՄԱՍ-ը մեղադրել են Իսրայելին և հայտարարել, որ անպատասխան չեն թողնի դա:
Իսրայելը չի մեկնաբանում Հանիեի մահը, իսկ Շուքրի սպանությունը համարել են պատասխան Գոլանի բարձունքներում Մաջդալ Շամս գյուղի հրետակոծությանը, որտեղ 12 մարդ էր զոհվել։ «Հըզբոլլահ»-ը հերքել էր իր առնչությունն այդ միջադեպին:
