14.01.2026 | 09:39
ԹՐԻՓՓ-ի միջոցով ինչի են ձգտում ՀՀ-ն ու ԱՄՆ-ը, ինչ օգուտներ են ակնկալում 2 երկրները
Երևանում մեքենաներ են բախվել․ կան տուժածներ
09.08.2024 | 23:04
Օգոստոսի 9-ին՝ ժամը 19։05-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Թևոսյան փողոցի շենքերից մեկի մոտակայքում տեղի է ունեցել ՃՏՊ՝ բախվել են ավտոմեքենաներ․ կա տուժած և վառելիքի արտահոսք։
ՆԳՆ Փրկարար ծառայությունից տեղեկացնում են, որ դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ բախվել են «BMW» (վարորդ՝ Կ․ Մ․, ծնված 2002 թ․) և «Mitsubishi» (վարորդ՝ Ռ․ Ս․ ծնված 1964 թ․) մակնիշների ավտոմեքենաները։
Փրկարարները «Mitsubishi» ավտոմեքենայից դուրս են բերել Ռ. Ս․-ին․ տուժածներ Կ․ Մ․-ին և Ռ. Ս․-ին մոտեցրել են շտապօգնության ավտոմեքենային, վերջիններս հոսպիտալացվել են բժշկական կենտրոն։
Փրկարարները հոսանքազրկել են ավտոմեքենաները և կատարել ճանապարհի լվացման աշխատանքներ։
