Քաղաքականություն
09.08.2024 | 21:44
Չինաստանում հանցավոր ցանցը դիակիզարաններից ավելի քան 4 հազար դի է գողացել՝ պրոթեզներ պատրաստելու համար, գրում է South China Morning Post-ը։
Պարբերականը, վկայակոչելով չինացի փաստաբաններից մեկին, գրում է, որ Թայյուան քաղաքի ոստիկանությունը հետաքննում է դիակների գողության և վերավաճառքի փաստով հարուցված քրեական գործը։ Ըստ աղբյուրի՝ Shanxi Aorui Biomaterials-ը կասկածվում է Սիչուան և Շանդուն նահանգներից, ինչպես նաև Գուանսի Չժուան ինքնավար շրջանից դիակներ և մարմնի տարբեր անդամներ ապօրինի գնելու և դրանք ոսկրային տրանսպլանտներ արտադրելու համար օգտագործելու մեջ։
Ըստ փաստաբանի՝ ընկերությունը վաստակել է 380 մլն յուան (մոտ 53 մլն դոլար) հիմնականում ատամնաբուժական տրանսպլանտների արտադրության համար ոսկորների վաճառքից ստացված եկամուտներից։
