Քաղաքականություն
09.08.2024 | 16:22
ՌԴ նախագահ Վլադիմիր Պուտինը կարող է օգոստոսի 19-ին այցելել Բաքու։ Այցի նախապատրաստական աշխատանքները ներկայում ընթանում են, հայտնում են ադրբեջանական լրատվամիջոցները։
Հարցերից մեկը, որ Ռուսաստանի ղեկավարը կարող է քննարկել ադրբեջանցի գործընկեր Իլհամ Ալիևի հետ, կլինի Ադրբեջանին ռուսական բնական գազի մատակարարումը։ Աղբյուրների համաձայն՝ Մոսկվան և Բաքուն արդեն մի քանի ամիս է, ինչ քննարկում են այդ հարցը, իսկ գործարքի երաշխավորը Թուրքիան է:
Հուլիսի սկզբին Ուկրաինայի նախագահ Վլադիմիր Զելենսկին Bloomberg-ին տված հարցազրույցում ասել էր, որ Կիևն ուսումնասիրում է ադրբեջանական գազն իր տարածքով ԵՄ մատակարարելու հնարավորությունը՝ այս տարվա վերջին «Գազպրոմի» հետ տարանցման համաձայնագրի ավարտից հետո։
