14.01.2026 | 14:47
Տեր Ասողիկ աբեղա Կարապետյանը ՔԿ է հրավիրվել. հարցաքննությունն առնչվում է Սուրբ Գեղարդին
ՌԴ ՊՆ-ն առաջին անգամ հայտնել է, որ ռազմական գործողություններ է իրականացնում Սուջայի մատույցներում
Քաղաքականություն
09.08.2024 | 15:23
Ռուսաստանի Պաշտպանության նախարարությունն այսօր հայտարարություն է տարածել Կուրսկի շրջանում տիրող իրավիճակի մասին, որտեղ Ուկրաինայի զինված ուժերի հարձակումը շարունակվում է արդեն չորրորդ օրը, գրում է Meduza-ն։
«Օրվա ընթացքում Հյուսիսային խմբի ստորաբաժանումների ակտիվ գործողությունները և ժամանող ռեզերվները, բանակային ավիացիայի հարվածները և հրետանային կրակը ճնշել են հակառակորդի ստորաբաժանումների՝ Կուրսկի ուղղությամբ ռուսական տարածքի խորքերը գրոհելու փորձերը»,- ասվում է հայտարարության մեջ, որը հրապարակեվլ է Ռուսաստանի պաշտպանության նախարարության Telegram-ի ալիքում։
Գերատեսչության պնդմամբ՝ ռուսական զորքերը կրակով խոցել են Ուկրաինայի Զինված ուժերի զորքերը և տեխնիկան Սուջայի շրջանի Դարինո, Գոգոլևկա, Մելովոյ բնակավայրերի մոտ, Սուջայի արևմտյան ծայրամասում, ինչպես նաև Կուրչատովսկի շրջանի Նիկոլսկոյեի մոտ։ Նախկինում ՌԴ ՊՆ-ն չէր հայտնում Սուջայում ռազմական գործողությունների մասին։
Բացի այդ, ըստ ՌԴ ՊՆ-ի, ռուսական ավիացիոն և հրթիռային ուժերը հարձակվել են Ուկրաինայի Սումիի մարզում գտնվող ուկրաինական զինված ուժերի պահեստազորի վրա։
Պաշտպանության նախարարությունը պնդում է, որ օրվա ընթացքում Ուկրաինայի զինված ուժերի կորուստները կազմել են ավելի քան 280 զինվորական և 27 զրահամեքենա, այդ թվում՝ չորս տանկ, իսկ ընդհանուր մարտական գործողությունների ընթացքում՝ 945 զինվորական և 102 զրահամեքենա։ Նման գնահատականները հաստատող որևէ ապացույց չկա։
Կուրսկի մարզում մարտերը թեժացել են օգոստոսի 6-ի առավոտյան։ Ուկրաինայի Զինված ուժերը հատել են Ռուսաստանի սահմանը և մտել մարզի տարածք։ Արդեն չորրորդ օրն է, ինչ այնտեղ մարտեր են։
