24.01.2026 | 08:40
Հայաստանի հետ խաղաղ միջուկային համագործակցության համաձայնագիր կկնքենք․ Թրամփ
Աստղաձոր գյուղի մանկապարտեզի շինաշխատանքները կավարտվեն դեկտեմբերին․ մարզպետը հետևել է աշխատանքներին
Տնտեսություն
09.08.2024 | 13:05
Գեղարքունիքի մարզպետ Կարեն Սարգսյանը մշտադիտարկում է անցկացրել Մարտունի համայնքի Աստղաձոր գյուղի նորակառույց մանկապարտեզի շենքի շինհրապարակում․ տեղեկացնում են մարզպետարանից։
«Նրան ուղեկցում էին Գեղարքունիքի մարզպետի տեղակալ Ջանիկ Բազեյանը, Մարտունի համայնքի ղեկավար Հովհաննես Հովեյանը, Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչության պետ Սասուն Սահակյանը, ՀՀ Քաղաքաշինության կոմիտեի ներկայացուցիչներ։
Կարեն Սարգսյանը շրջեց շինհրապարակում, զրուցեց շինարարների հետ, ծանոթացավ աշխատանքների ընթացքին, լսեց նրանց կողմից բարձրացված խնդիրները, նկատված թերությունների շուրջ արեց դիտողություններ և առաջարկություններ, որոնց վերացման շուրջ տվեց համապատասխան հանձնարարականներ։
Մարզպետը միաժամանակ հրահանգեց՝ անել հնարավորը, որպեսզի կառույցը շահագործման հանձնվի սահմանված ժամկետներում և պահանջվող որակին համապատասխան։
Աստղաձորի 144 տեղանոց մսուր-մանկապարտեզի շենքի կառուցումն իրականացվում է պետբյուջեի միջոցներով, ՀՀ կառավարության կողմից իրականացվող «300 դպրոց, 500 մանկապարտեզ» ծրագրի շրջանակներում, ՀՀ քաղաքաշինության կոմիտեի պատվիրատվությամբ։
Ծրագրի իրականացման պայմանագրային արժեքը կազմում է շուրջ 1 միլիարդ դրամ։
Շինարարական աշխատանքները մեկնարկել են 2022 թվականի նոյեմբերից և կավարտվեն 2024 թվականի դեկտեմբերին։ Այս պահի դրությամբ շինաշխատանքներն իրականացվել են շուրջ 60 տոկոսով։
Ծրագրի ավարտից հետո Մարտունի համայնքի Աստղաձոր գյուղն իր պատմության մեջ առաջին անգամ կունենա մանկապարտեզ՝ ժամանակակից չափորոշիչներին համապատասխան»։
