12.12.2024 | 19:30
Արարադատության «ճիրաններում». սպանության գործը 8 տարի անց քննվում է զրոյից․ ՏԵՍԱՆՅՈՒԹ
Մադուրոն արգելափակել է X սոցցանցը Վենեսուելայում. Մասկը խոստացել է տիեզերքից «խանձել նրա բեղերը»
Քաղաքականություն
09.08.2024 | 13:57
Վենեսուելայի ղեկավար Նիկոլաս Մադուրոն օգոստոսի 9-ին հայտարարել է, որ դադարեցրել է երկրում X սոցցանցի հասանելիությունը, քանի որ նախօրեին հայտնվել է մեկ այլ պահանջի առաջ, այս անգամ՝ Լատինական Ամերիկայի երկրների ներկայացուցիչների կողմից, հրապարակել իր վերընտրվելու ապացույցները, գրում է DW-ի ռուսական ծառայությունը։
«Դուրս Վենեսուելայից 10 օրով։ Մեր երկրում կա Սահմանադրություն, կան օրենք, ինստիտուտներ ու պետություն։ Թույլ չենք տա բռնություն, ատելություն տարածել ու հարձակվել արտերկրից Վենեսուելայի վրա»,- գրել է Մադուրոն հենց X-ում, որտեղ 4,8 միլիոն հետևորդ ունի։
Համացանցում ամերիկացի ձեռներեց Իլոն Մասկին հարցրել են՝ արդյո՞ք նա կօգտագործի տիեզերական լազերներ Վենեսուելայի նախագահի կողմից X սոցիալական ցանցի արգելափակման ֆոնին։
«Մենք տիեզերքից կխանձենք նրա բեղերը», – ի պատասխան՝ X-ում կատակել է Մասկը։
Օրերս էլ Մադուրոն հայտարարել էր, թե ԱՄՆ-ը և ամերիկացի գործարար Իլոն Մասկը կանգնած են Վենեսուելայում պետական հեղաշրջման անհաջող փորձի հետևում:
