30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Թրամփն ու Հարիսը բանավիճելու են ABC հեռուստաալիքով
Քաղաքականություն
09.08.2024 | 11:40
ԱՄՆ նախագահի թեկնածուներ Քամալա Հարիսը և Դոնալդ Թրամփը սեպտեմբերի 10-ին կբանավիճեն ABC հեռուստաալիքի եթերում, գրում է DW-ի ռուսական ծառայությունը։
«Փոխնախագահ Հարիսը և նախկին նախագահ Թրամփը հաստատել են, որ ներկա կլինեն հանդիպմանը», – ասվում է X-ի սոցիալական ցանցի գրառման մեջ:
Դեմոկրատ թեկնածու Հարիսը սոցիալական ցանցերում հաստատել է, որ մասնակցելու է սեպտեմբերի 10-ի բանավեճին։
Ավելի վաղ հինգշաբթի օրը, ԱՄՆ Ֆլորիդա նահանգում գտնվող Մար-ա-Լագոյի իր կալվածքում կայացած մամուլի ասուլիսում հանրապետական թեկնածու Թրամփն առաջարկել էր սեպտեմբերին երեք հեռուստաբանավեճ անցկացնել, որոնք կանցկացվեն սեպտեմբերի 4-ին, 10-ին և 25-ին Fox News, ABC և NBC հեռուստաալիքներով։ Թրամփի խոսքով՝ այս ժամկետներն արդեն համաձայնեցված են հեռուստաընկերությունների հետ, սակայն փոխնախագահ Հարիսի թիմը դեռ պետք է հաստատի իր մասնակցությունը։
Fox News-ը և NBC-ն չեն մեկնաբանել նրա խոսքերը։ Իր հերթին, ABC հեռուստաընկերությունը ուրբաթ երեկոյան X սոցիալական ցանցում, վկայակոչելով Հարիսի թիմի պաշտոնական ներկայացուցչին, հայտնել է, որ նա չի մասնակցի սեպտեմբերի 4-ին Թրամփի առաջարկած բանավեճին։
