Քաղաքականություն
08.08.2024 | 21:30Հայաստանն ու Ադրբեջանը տարբեր մոտեցումներ ունեն տրանսպորտային ուղիների ապաշրջափակման վերաբերյալ։ Այս մասին Factor TV-ին տված հարցազրույցում ասել է ՔՊ խմբակցության պատգամավոր Հովիկ Աղազարյանը։
ՀՀ ԱԳՆ-ն երեկ հաստատեց, որ հայ-ադրբեջանական խաղաղության պայմանագրի նախագծից հանվել է տրանսպորտային ուղիների ապաշրջափակման հարցը։ Կողմերը եկել են համաձայնության, որ այս հարցին կանդրադառնան խաղաղության պայմանագրից դուրս։
«Հայաստանի մոտեցումն այն էր, որ միջազգային նորմերին համապատասխան պետք է լինի։ Ադրբեջանական կողմի և նրա կողքին կանգնած պետությունների մոտեցումը միջանցքն է, որը հակասում է մեր սուվերենությանը»,-ասաց ՔՊ-ական պատգամավորը՝ նշելով, որ ճանապարհների ապաշրջափակման հարցն իր համար երկրորդական է։
Իշխանական պատգամավորի հետ զրուցել ենք նաև օրակարգային այլ թեմաներից։
Մանրամասները՝ հարցազրույցում։
Նարեկ Կիրակոսյան
