11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ռուսաստանում YouTube-ը կրկին դադարել է բացվել
Քաղաքականություն
08.08.2024 | 16:52
Օգոստոսի 8-ի առավոտյան Ռուսաստանում YouTube-ը դադարել է բացվել օգտատերերի համակարգիչների և շարժական սարքերի վրա։ Այս մասին են վկայում Brand Analytics ծառայության տվյալները, գրում է Meduza-ն։
Сбой.рф-ի տվյալներով՝ Մոսկվայի ժամանակով 11:20-ին հոսթինգի աշխատանքի վերաբերյալ մոտ հինգ հազար բողոք է ստացվել, մեծ մասը՝ Մոսկվայից (21 տոկոս)։
DTF-ն էլ գրում է, որ առցանց ծառայությունների աշխատանքի մոնիթորինգ իրականացնող կայքերի մեկնաբանությունների համաձայն՝ վիդեոհոսթինգը դադարել է բեռնվել, ինչի պատճառով օգտատերերը չեն կարող դիտել տեսանյութեր կամ մեկնաբանություններ թողնել։ DTF-ի լրագրողները նշել են, որ տեսանյութերը չեն բեռնվում MTS օպերատորի Android-ի YouTube բջջային հավելվածում, թեև օգոստոսի 7-ին տեսանյութերը ցուցադրվել են առանց սահմանափակումների։
Ռուսաստանում վերջին շաբաթներին YouTube-ի աշխատանքի ընդհատումներ են դիտարկվում։ Հեռահաղորդակցության ոլորտում Meduza-ի աղբյուրը հայտնել է, որ դա պայմանավորված է իշխանությունների որոշմամբ՝ դանդաղեցնելու վիդեոհոսթինգի աշխատանքը։
