27.05.2026 | 22:19
Ի դեմս Փաշինյանի` հայհոյանքով, տառապանքով, դավաճան գոռալով հասանք խաղաղության հանգրվանի. Միքայելյան. ՏԵՍԱՆՅՈՒԹ
Թուրքիան հայտնել է, որ PKK-ի հարձակման հետևանքով Հյուսիսային Իրաքում թուրք զինվոր է սպանվել
Քաղաքականություն
08.08.2024 | 13:52
Հյուսիսային Իրաքում թուրք զինվոր է սպանվել Քուրդիստանի աշխատավորական կուսակցության (PKK) զինյալների հարձակման հետևանքով։ Այս մասին հայտնել է Թուրքիայի ՊՆ-ն, փոխանցում են տեղական լրատվամիջոցները։
Ըստ գերատեսչության՝ զինծառայողը սպանվել է զինյալների «կրակի հետևանքով» այն տարածաշրջանում, որտեղ Թուրքիան 2019 թվականից PKK-ի դեմ գործողություն է իրականացնում:
Թուրքիայի և նրա արևմտյան դաշնակիցների մեծ մասի, այդ թվում՝ ԱՄՆ-ի ու Եվրամիության կողմից որպես ահաբեկչական կազմակերպություն ճանաչված PKK-ն բազաներ ունի Հյուսիսային Իրաքում, որտեղից հարձակումներ է իրականացնում Թուրքիայի վրա:
Հուլիսի 13-ին Թուրքիայի նախագահ Ռեջեփ Թայիփ Էրդողանը հայտարարել էր գործողության մոտալուտ ավարտի մասին՝ ասելով, որ քրդական ուժերն «ամբողջովին արգելափակված են» ինչպես Իրաքում, այնպես էլ Սիրիայում։
