23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Մեդվեդևը պահանջել է հարձակում սկսել Կիևի և Օդեսայի վրա՝ «Կուրսկի շրջան ուկրաինական ներխուժմանն ի պատասխան»
Քաղաքականություն
08.08.2024 | 13:31
Ռուսաստանը պետք է հարձակում սկսի Կիևի և Ուկրաինայի այլ խոշոր քաղաքների վրա՝ ի պատասխան Կուրսկի շրջան ուկրաինական ներխուժման։ Այս մասին հայտարարել է ՌԴ Անվտանգության խորհրդի փոխնախագահ Դմիտրի Մեդվեդևը, գրում է The Moscow Times-ը։
«Այս պահից հատուկ ռազմական օպերացիան պետք է բաց արտատարածքային բնույթ կրի։ Պետք է և անհրաժեշտ է գնալ դեռևս գոյություն ունեցող Ուկրաինայի հողերի վրա։ Մինչև Օդեսա, Խարկով, Դնեպրոպետրովսկ, Նիկոլաև։ Մինչև Կիև ու ավելի հեռու»,- գրել է Մեդվեդևն իր տելեգրամ-ալիքում։
Նա կոչ է արել հրաժարվել «ինչ-որ մեկի կողմից ճանաչված ուկրաինական ռեյխի սահմաններից» և այդ մասին խոսել «բաց, առանց վարանելու կամ դիվանագիտական նվաստացումների»։
«Բենդերականների ահաբեկչական գործողությունը պետք է վերացնի ցանկացած տաբու այս թեմայի շուրջ։ Թող սա հասկանան բոլորը, այդ թվում՝ անգլիացի սրիկաները։ Մենք կանգ կառնենք միայն այն ժամանակ, երբ դա մեզ համար ընդունելի և շահավետ համարենք»,- նշել է Մեդվեդևը։
ՌԴ Անվտանգության խորհրդի փոխնախագահն ավելի վաղ ակնարկել էր Ուկրաինայի խոշոր քաղաքները գրավելու՝ ռուսական իշխանությունների ցանկության մասին։ Անցյալ տարեվերջին նա Կիևը, Օդեսան, Խարկովը, Դնեպրը և Նիկոլաևն անվանել էր «ժամանակավորապես օկուպացված ռուսական քաղաքներ»։
