01.11.2024 | 18:38
Իսպանիայում ջրհեղեղի զոհերի թիվը հասել է 208-ի. կան անհայտ թվով կորածներ
Ապօրինի հատել էր թաց կանգուն ծառեր․ Տավուշի ոստիկանությունը՝ տեղեկատվության հետքերով
Հասարակություն
07.08.2024 | 17:54
Ոստիկանության Տավուշի բաժնի քրեական հետախույզները օպերատիվ տեղեկություն էին ստացել, որ Վարագավանի վարչական տարածքում գտնվող եկեղեցու հարակից անտառածածկ տարածքից նույն գյուղի բնակիչը ապօրինի հատել է թաց կանգուն ծառեր և տեղափոխել իր առանձնատան բակ․ տեղեկացնում են ՀՀ ոստիկանությունից։
Օգոստոսի 5-ին, ստացված տեղեկության ստուգման ժամանակ, ոստիկանները վարագավանցի 27-ամյա երիտասարդի մատնանշած տարածքում հայտնաբերել են ապօրինի հատած 18 տարբեր տեսակի և տարբեր տրամագծերի թաց կանգուն ծառերի կոճղեր, իսկ առանձնատան բակում՝ փայտանյութ: Երիտասարդը համապատասխան փաստաթուղթ չի ներկայացրել՝ խոստովանելով կատարածը:
Կազմված փաստաթղթերն ուղարկվել են Բերդի քննչական բաժին:
