06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Մեծ Բրիտանիայում զանգվածային անկարգությունների առաջին մասնակիցները դատապարտվել են տարբեր ժամկետներով ազատազրկման
Քաղաքականություն
07.08.2024 | 21:03
Մեծ Բրիտանիայում անկարգություններին մասնակցելու համար երեք տղամարդ դատապարտվել է տարբեր ժամկետներով ազատազրկման՝ 20 ամսից մինչև երեք տարի, հաղորդում է Euronews-ը։
Մեծ Բրիտանիայի վարչապետ Քիր Սթարմերն ավելի վաղ ասել էր, որ բռնության ուղին ընտրած մարդիկ «կզգան օրենքի ողջ ուժը»՝ խոստանալով նման դեպքերի վերաբերյալ առաջին որոշումները մեկ շաբաթվա ընթացքում։
Ձերբակալվածների թիվը գերազանցել է 400-ը, որոնց շուրջ մեկ քառորդին արդեն մեղադրանք է առաջադրվել։
«Սա պետք է հզոր ուղերձ լինի ցանկացածին, ով ներգրավված է անկարգությունների մեջ, լինի դա ուղղակիորեն, թե առցանց, որ ձեր հարցերը, ամենայն հավանականությամբ, կլուծեն մեկ շաբաթվա ընթացքում»,- ասել է Սթարմերը կառավարական արտակարգ հանձնաժողովի երկրորդ հանդիպման ավարտին:
Հիշեցնենք, որ Սաութպորտ քաղաքի պարային ստուդիայում 3 երեխայի սպանությունից հետո Մեծ Բրիտանիայի մի քանի քաղաքներում անկարգություններ են սկսվել: Որոշ բնակավայրերում ցուցարարների և ոստիկանների միջև բախումներ են գրանցվել։
