07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Հովհաննես Նալբանդյանը նշանակվել է ԱԺ նախագահի խորհրդական
Քաղաքականություն
06.08.2024 | 19:28
Հովհաննես Նալբանդյանը նշանակվել է ԱԺ նախագահի խորհրդական։ Համապատասխան կարգադրություն է ստորագրել ՀՀ ԱԺ նախագահ Ալեն Սիմոնյանը։
«Ղեկավարվելով «Հանրային ծառայության մասին» օրենքի 9-րդ հոդվածի 10-րդ մասով, Ազգային ժողովի խորհրդի 2017 թվականի հունիսի 12-ի ԱԺԽՈ-006 Լ որոշմամբ հաստատված 1-ին հավելվածի 18-րդ կետի 1-ին ենթակետով եւ հիմք ընդունելով Հովհաննես Նալբանդյանի 2024 թվականի օգոստոսի 6-ի դիմումը՝ կարգադրում եմ.
1. 2024 թվականի օգոստոսի 6-ից Հովհաննես Նալբանդյանին նշանակել Հայաստանի Հանրապետության Ազգային ժողովի նախագահի խորհրդական»,- ասված է կարգադրության տեքստում:
Հիշեցնենք, որ Հովհաննես Նալբանդյանը նախկինում ևս զբաղեցնում էր ԱԺ նախագահի խորհրդականի պաշտոնը, սակայն, մարտի 18-ին ազատվեց զբաղեցրած պաշտոնից։ Մամուլում տեղեկություններ կան, որ Նալբանդյանին Ալեն Սիմոնյանի խորհրդականի պաշտոնից ազատել էին Կոռուպցիայի կանխարգելման հանձնաժողովի նախագահի պաշտոնին ընտրելու համար։ Սակայն, այս սցենարն իրականություն չդարձավ:
