07.10.2026 | 16:20
Հայաստանի Կիոկուշին կարատեի ֆեդերացիան կանցկացնի «Սամուրայ» մրցաշարը
ՄԱԿ-ը խոստովանել է, որ Պաղեստինի փախստականների հարցերով գործակալության աշխատակիցները կարող էին մասնակցել Իսրայելի վրա ՀԱՄԱՍ-ի հարձակմանը
Քաղաքականություն
06.08.2024 | 22:40
ՄԱԿ-ի Պաղեստինի փախստականների գործակալության ինը աշխատակիցներ կարող են մասնակցած լինել 2023 թվականի հոկտեմբերին Իսրայելի վրա ՀԱՄԱՍ-ի հարձակմանը։ Այս մասին հայտնել է ՄԱԿ-ը՝ հիմնվելով սեփական հետաքննության արդյունքների վրա, գրում է Current time-ը։
Կազմակերպությունը նշում է, որ գտել են «բավարար» ապացույցներ հարձակումներին աշխատակիցների հնարավոր մասնակցության մասին։ Ըստ ՄԱԿ-ի խոսնակի տեղակալ Ֆարհան Հաքի՝ որոշվել է բոլորին հեռացնել աշխատանքից։
«Հարձակումներին յուրաքանչյուր մասնակցություն մեծ դավաճանություն է այն աշխատանքի նկատմամբ, որը մենք պետք է անենք»,- ասել է նա։
Թե ինչ դեր են ունեցել գործակալության աշխատակիցները Իսրայելի վրա հարձակումների ընթացքում, չի նշվում։
Ընդհանուր առմամբ, ՄԱԿ-ը հետաքննել է 19 աշխատակցի (նրանցից երկուսն արդեն մահացել են): Մի դեպքում հնարավոր ներգրավվածության ապացույցներ չեն հայտնաբերվել, ևս ինը դեպքով ապացույցները բավարար չի եղել։
Ավելի վաղ իսրայելական հետախուզությունը հայտարարել էր, որ հոկտեմբերի 7-ի հարձակմանը մասնակցել է ՄԱԿ-ի 12 աշխատակից։ Իսրայելը բազմիցս մեղադրել է գործակալությանը ՀԱՄԱՍ-ի հետ համագործակցելու մեջ։
2024 թվականի փետրվարին իսրայելական բանակը հայտնել էր, որ Գազայում գործակալության կենտրոնակայանի տակ գտնվող զինյալների տվյալների կենտրոն է հայտնաբերել։ Գործակալությունն իր հերթին հայտնել է, որ հոկտեմբերի 12-ին լքել է իր գլխավոր գրասենյակը, ինչից հետո այն չի օգտագործվել կազմակերպության կողմից։
