07.10.2026 | 16:20
Հայաստանի Կիոկուշին կարատեի ֆեդերացիան կանցկացնի «Սամուրայ» մրցաշարը
ՀՀ-ն իսրայելցիների համար անվտագ երկրների շարքում է, Ադրբեջանը՝ վտանգավոր
Քաղաքականություն
02.08.2024 | 22:00
Իսրայելի Ազգային անվտանգության խորհուրդը նախազգուշացրել է իսրայելցիներին չուղևորվել շուրջ 40 երկրներ, որոնք գնահատվում են որպես չափավոր կամ բարձր սպառնալիք ունեցող, նաև հորդորել այլ վայրերում լրացուցիչ նախազգուշական միջոցներ ձեռնարկել, այդ թվում՝ խուսափել հրեական ինքնության ցուցադրումից, գրում է The Times of Israel-ը։
«Վերջին իրադարձություններից հետո Իրանը, «Հըզբոլլահ»-ը և ՀԱՄԱՍ-ը հայտարարել են իրենց մտադրությունների մասինը՝ վրեժ լուծել ՀԱՄԱՍ-ի քաղաքական առաջնորդ Իսմայիլ Հանիեի և «Հըզբոլլահ»-ի ռազմավարական ստորաբաժանման ղեկավար Ֆուադ Շուքրի մահվան համար»,- ասվում է խորհրդի հայտարարության մեջ:
Վտանգավորության 3 կամ 4 մակարդակ ունեցող երկրներ այցելել ծրագրող իսրայելցիներին խորհուրդ է տրվում «լրջորեն վերանայել» իրենց ծրագրերը, իսկ «բոլոր այլ ուղղություններով»՝ ցուցաբերել լրացուցիչ զգուշավորություն:
Հայաստանը երկրների ցանկում ընդգրկված է առաջին մակարդակում, որը սպառնալիք չի ներկայացնում (No travel threat), իսկ ահա Ադրբեջանը երկրորդ մակարդակում է՝ պոտենցիալ վտանգավոր (Potential threat)։
«Ահաբեկչական տարբեր ենթակառուցվածքների առկայության պատճառով երկիրը իսրայելցիների և հրեաների համար պոտենցիալ սպառնալիք է մնում»,- ասվում է հաղորդագրության մեջ։
