07.04.2026 | 20:11
Սիմոնյանը տեղադրել է Factor TV-ի տեսանյութի մոնտաժած տարբերակ և ընտրողաբար է ներկայացրել ԱԺ դիմաց հավաքվածների խոսքերը
Ադրբեջանում պատգամավորի թեկնածու է կալանավորվել
Քաղաքականություն
02.08.2024 | 22:22
Ադրբեջանում կալանավորվել է սեպտեմբերի 1-ին կայանալիք խորհրդարանական արտահերթ ընտրություններում պատգամավորի թեկնածու, 1989 թվականին ծնված Թալեհ Մամեդովը։ Նա մեղադրվում է 53-ամյա Նազիր Ջավադովին դանակահարելու մեջ։ Այս մասին համատեղ հաղորդագրություն են տարածել Ադրբեջանի Գլխավոր դատախազությունը և ՆԳՆ-ն։
Ջավադովը հիվանդանոց է տեղափոխվել կրծքավանդակի ձախ խոռոչի կտրած-ծակած վերք ախտորոշմամբ։ Նրան վիրահատել են։ Հաղորդվում է, որ միջադեպը տեղի է ունեցել անձնական խնդիրների պատճառով ծագած վեճի ընթացքում։
Գլխավոր դատախազը համաձայնել է նրան քրեական պատասխանատվության ենթարկել։
Հավաքված ապացույցների հիման վրա Թալեհ Մամեդովին մեղադրանք է առաջադրվել Քրեական օրենսգրքի 126-րդ հոդվածի 1-ին մասով (դիտավորությամբ առողջությանը ծանր վնաս պատճառելը): Հաշվի առնելով արարքի ծանրությունն ու բնույթը՝ դատարանի կողմից խափանման միջոց է ընտրվել կալանավորումը։ Քննությունը շարունակվում է։
