11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ԱՄՆ Պետդեպն արձագանքել է «Զվարթնոց»-ից ռուս սահմանապահների հեռացմանը
Քաղաքականություն
02.08.2024 | 12:44
ԱՄՆ Պետքարտուղարությունն արձագանքել է Երևանի «Զվարթնոց» օդանավակայանից ռուս սահմանապահների հեռացմանը։
«Մենք խոսել ենք այդ մասին։ Իհարկե, այն ժամանակ դա իրադարձությունների մտահոգիչ զարգացում էր։ Ես այլ մանրամասներ չունեմ։ Բայց դա, անշուշտ, ողջունելի քայլ կլինի ճիշտ ուղղությամբ»,- ճեպազրույցում ասել է Պետքարտուղարության փոխխոսնակ Վեդանտ Պատելը՝ պատասխանելով հարցին, թե Հայաստանի օդանավակայանից ռուս սահմանապահների հեռանալն ի՞նչ ազդեցություն կունենա տարածաշրջանի վրա։
Հիշեցնենք, որ հուլիսի 31-ին տեղի ունեցավ «Զվարթնոց» օդային անցակետում պետական սահմանի պահպանությունը հայկական կողմին հանձնելու մասին արձանագրության ստորագրումը։ Այն ստորագրեցին Հայաստանի ԱԱԾ սահմանապահ զորքերի հրամանատար Էդգար Հունանյանը և Հայաստանում ՌԴ ԱԴԾ Սահմանապահ վարչության պետ, գեներալ-լեյտենանտ Ռոման Գոլուբիցկին։
