27.05.2026 | 21:52
Կօգտագործեմ լծակներս, որ Լուկաշենկոն ԵԱՏՄ-ն չկարողանա օգտագործել Հայաստանի դեմ. Փաշինյան. ՏԵՍԱՆՅՈՒԹ
Հնդկաստանի հարավում սողանքների հետևանքով զոհերի թիվը գերազանցել է 150-ը
Քաղաքականություն
31.07.2024 | 22:44
Առնվազն 151 մարդ է զոհվել Հնդկաստանի հարավում սողանքների հետևանքով, հայտնում են պաշտոնյաները: Բազմաթիվ սողանքներ են գրանցվել հորդառատ անձրևներից հետո, դրանք ցեխի և ջրի հեղեղներ են առաջացրել, որոնք թափվել են թեյի պլանտացիաների և գյուղերի վրա, գրում է VOA-ն:
Եվս 186 մարդ տուժել է երեքշաբթի գիշերը Քերալա նահանգի Վայենադ շրջանի լեռնային հատվածներում սողանքների հետևանքով: Փոթորիկը հողին է հավասարեցրել տները, արմատախիլ արել ծառեր, քանդել կամուրջներ:
Մանոջ նահանգի իշխանությունները հայտնել են, որ 187 մարդ անհետ կորած է։ Մինչ այժմ 77 դի է ճանաչվել։
Առաջին սողանքը տեղի է ունեցել երեքշաբթի գիշերը, որին հաջորդել է ևս մեկը՝ երկու ժամ անց: Մի քանի շրջաններ, այդ թվում՝ Մեպադին, Մունդակկայը և Չորալմալան, մեկուսացված են, իսկ ճանապարհները քանդվել են՝ հսկայական վնասներ պատճառելով բնակելի շենքերին, ասել է Քերալայի պաշտոնյաներից Պինարայի Վիջայանը:
