12.12.2024 | 12:25
ՀՀ ոչ մի քաղաքացի իր ընտանիքի համար ավելի շատ գումար չի ծախսում, քան ծախսում է պետբյուջեն․ Փաշինյան․ ՏԵՍԱՆՅՈՒԹ
Ադրբեջանում վաղվանից աշխատանքն է սկսում ԵԱՀԿ դիտորդական առաքելությունը
Քաղաքականություն
31.07.2024 | 21:02
Ադրբեջանի ԱԳ նախարար Ջեյհուն Բայրամովն ընդունել է ԵԱՀԿ Ժողովրդավարական հաստատությունների և մարդու իրավունքների գրասենյակի (ԺՀՄԻԳ) դիտորդական առաքելության ղեկավար Դիտմիր Բուշաթիին, որը դիտարկելու է սեպտեմբերի 1-ին կայանալիք Միլլի Մեջլիսի արտահերթ ընտրությունները։ Ադրբեջանի ԱԳՆ-ի հաղորդմամբ՝ հանդիպման ընթացքում քննարկվել են խորհրդարանական ընտրությունների նախապատրաստման և այդ հարցում միջազգային պարտավորությունների հարցեր։
Բայրամովը պատվիրակությանը տեղեկացրել է «ազատ, արդար և թափանցիկ ընտրությունների անցկացման ուղղությամբ ձեռնարկվող միջոցառումների մասին»։ Նա նաև նշել է «գալիք ընտրությունների պատմական նշանակությունը», քանի որ դրանք կլինեն Ադրբեջանում առաջին խորհրդարանական ընտրությունները, որոնք կանցկացվեն «օկուպացիայից ազատագրված տարածքներում»։
Նշվել է նաև դիտարկման գործընթացում դիտորդական առաքելությունների օբյեկտիվության և անաչառության կարևորությունը։
Բուշաթին իր հերթին նշել է, որ օգոստոսի 1-ին Բաքվում կկայանա մամուլի ասուլիս՝ նվիրված ԺՀՄԻԳ դիտորդական առաքելության աշխատանքի մեկնարկին։ Նա տեղեկացրել է ծրագրված աշխատանքների մասին, որոնք առաքելությունը մտադիր է կատարել առաջիկա 6 շաբաթների ընթացքում։
Նշեք, որ Ադրբեջանի ԱԳՆ-ն հրավիրել է ԵԱՀԿ/ԺՀՄԻԳ-ին, ԱՊՀ-ին, ԻՀԿ-ին, ՎՈՒԱՄ-ին, Չմիավորման շարժման երիտասարդական կազմակերպությանը, Շանհայի համագործակցության կազմակերպությանը և Թյուրքական պետությունների կազմակերպությանը ընտրությունների դիտարկման համար։ Պաշտոնական Բաքուն ԵԽԽՎ դիտորդական առաքելությանը չի հրավիրել։
Միլլի Մեջլիսն իր հերթին հրավիրել է 13 կազմակերպությունների։ Դրանք են՝ ԵԱՀԿ Խորհրդարանական վեհաժողով, ԱՊՀ ՄԽՎ, Թյուրքական պետությունների կազմակերպության խորհրդարական վեհաժողով, Իսլամական համագործակցության կազմակերպության խորհրդարանական միություն, Սևծովյան տնտեսական համագործակցության կազմակերպության խորհրդարանական վեհաժողով, ՎՈՒԱՄ-ի ԽՎ, Ասիական խորհրդարանական վեհաժողով, Համաաֆրիկյան խորհրդարան, Տնտեսական համագործակցության կազմակերպության խորհրդարանական վեհաժողով, Հարավարևելյան Ասիայի պետությունների ասոցիացիայի միջխորհրդարանական կազմակերպություն, Արաբական խորհրդարան, Խորհրդարանականների միջազգային կոնգրես, Ասիական քաղաքական կուսակցությունների միջազգային համաժողով։
