09.09.2026 | 14:08
Լավ ա չասեցիք՝ ամոթ ՀՀ-ին․ ՀԱՊԿ-ը չի կատարել իր պարտավորությունները․ Կարապետյանը՝ Ղազարյանին․ ՏԵՍԱՆՅՈՒԹ
«Սիոնիստական բարբարոսությունը չի հասնի իր նպատակներին»․ Էրդողանը դատապարտել է Հանիեի սպանությունը
Քաղաքականություն
31.07.2024 | 16:12
Թուրքիայի նախագահ Ռեջեփ Թայիփ Էրդողանը խստորեն դատապարտել է Թեհրանում ՀԱՄԱՍ-ի քաղբյուրոյի ղեկավար Իսմայիլ Հանիեի սպանությունը։ Թուրքական լրատվամիջոցների փոխանցմամբ՝ նա տեղի ունեցածն անվանել է «ամոթալի արարք, որի նպատակն է խարխլել Պաղեստինի հարցը, Գազայի փառավոր դիմադրությունը և պաղեստինցի եղբայրների արդար պայքարը»։
«Իմ եղբայր Իսմայիլ Հանիեի սպանությունը հետապնդում է նույն նպատակները, ինչ նողկալի հարձակումները Շեյխ Ահմեդ Յասինի, Աբդուլազիզ ալ-Ռանտիսիի և շատ այլ քաղաքական գործիչների վրա Գազայում: Սակայն սիոնիստական բարբարոսությունը չի կարողանա հասնել իր նպատակներին»,- գրել է Էրդողանը X-ի իր միկրոբլոգում։
Նա նշել է, որ «իսլամական աշխարհի և միջազգային հանրության ավելի ամուր դիրքորոշման դեպքում հնարավոր է վերջ տալ տարածաշրջանում իսրայելական ահաբեկչությանը, առաջին հերթին՝ Գազայի հատվածում նրա կողմից իրականացվող ցեղասպանությանը, ինչպես նաև հասնել խաղաղության տարածաշրջանում և ամբողջ աշխարհում»։
Էրդողանը հայտարարել է, որ Թուրքիան կշարունակի ցուցաբերել ամբողջ անհրաժեշտ աջակցությունը եղբայրական պաղեստինյան ժողովրդի արդար պայքարին։ Նա ասել է, որ Անկարան կշարունակի ակտիվ ջանքեր գործադրել ազատ, ինքնիշխան և անկախ պաղեստինյան պետության ստեղծման համար՝ Արևելյան Երուսաղեմ մայրաքաղաքով և 1967 թվականի սահմաններով։
