07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
COP29-ի ընթացքում Բաքվում հարսանեկան արարողություններ տեղի չեն ունենա
31.07.2024 | 12:41
Բաքվում ՄԱԿ-ի Կլիմայի փոփոխության շրջանակային կոնվենցիայի (COP29) համաժողովի 29-րդ նստաշրջանի անցկացման պատճառով մայրաքաղաքի ռեստորաններում չեղարկվել կամ հետաձգվել են նոյեմբերին ծրագրված հարսանեկան արարողությունները։ Այս մասին գրում են ադրբեջանական լրատվամիջոցները։
Վերջին օրերին քաղաքացիները սոցիալական ցանցերում գրում են, որ ռեստորաններն այդ ժամանակահատվածի համար հարսանիքների պատվերներ չեն ընդունում։
Մի շարք ռեստորաններ հայտնել են, որ նոյեմբերի 8-ից նոյեմբերի 22-ը ամրագրումներ չեն ընդունում, ինչպես նաև փոխել են այդ օրերի համար արդեն նախատեսված միջոցառումների ժամկետները։ Նրանք դա պայմանավորում են օտարերկրյա քաղաքացիների մեծ թվով, որոնք ժամանելու են Ադրբեջան COP29-ի անցկացման օրերին:
Բաքվում COP-29-ը տեղի է ունենալու այս տարվա նոյեմբերի 11-22-ը։
