27.05.2026 | 21:52
Կօգտագործեմ լծակներս, որ Լուկաշենկոն ԵԱՏՄ-ն չկարողանա օգտագործել Հայաստանի դեմ. Փաշինյան. ՏԵՍԱՆՅՈՒԹ
Պայուսակը նետել է ճամփեզրի խոտերի մեջ, որի մեջ հայտնաբերվել է օդաճնշիչ ատրճանակ, նռնակ՝ պայթուցիչով․ 33-ամյա քաղաքացին ձերբակալվել է
Հասարակություն
30.07.2024 | 18:42
Հուլիսի 29-ի գիշերը, ժամը 2-ի սահմաններում, պարեկային ծառայության ջրային պարեկները Երևան-Սևան-Իջևան ճանապարհի 69-րդ կմ-ին ստուգման նպատակով կանգնեցրել են «ՎԱԶ-2107» մակնիշի մի մեքենա: Ճամբարակի բնակիչ 36-ամյա վարորդը ոչ սթափ վիճակում էր. նա զրկվել է տրանսպորտային միջոցներ վարելու իրավունքից, իսկ համաքաղաքացի 33-ամյա ուղևորը մեքենայից մոտ 20-30 մետր հեռանալով՝ պայուսակը նետել է ճամփեզրի խոտերի մեջ: Նա ապօրինի զենք, զինամթերք պահելու և կրելու հիմնավոր կասկածանքով ձերբակալվել և տեղափոխվել է ոստիկանության Սևանի բաժին:
Սևանի քննչական բաժնում նախաձեռնված քրեական վարույթի շրջանակում կատարված դեպքի վայրի զննությամբ պայուսակը հայտնաբերվել է, որի մեջ օդաճնշիչ ատրճանակ, «Ֆ-1» տիպի նռնակ՝ պայթուցիչով և օդաճնշիչ ատրճանակի գնդակներ էին:
Ճամբարակի բնակիչ 33-ամյա երիտասարդը և կազմված փաստաթղթերը ներկայացվել են Սևանի քննչական բաժին:
